Асьмелэн кармы


Ижкар интыяськемын Восточно-Европейской ӵошаллэн шундыӝужан палаз, Ватка но Кам шуръёс вискын, Иж шур дурын. 18-тӥ даурлэн кыкетӥ ӝыныяз Ижкар тымет лэсьтэмын вал, огъя быдӟалаез кудӥзлэн – 2200 гектар. Ижкар Мусколэсь, Волга но Урал котырысь мукет бадӟым промышленной центръёслэсь кыдёкын ӧвӧл. Ижкарысен Мускоозь 1129 иськем.

Туннэ нуналэ Ижкарын 630 сюрс адями улэ. Соос пӧлысь 30%-эз удмуртъёс луо. Удмуртъёсын но ӟучъёсын артэ сюлэсь ятыр мукет йӧслыко калыкъёс уло – бигеръёс, украинъёс, белорусъёс, поръёс, армянъёс, грузинъёс, киргизъёс, туркменъёс, комиос, башкыртъёс, чувашъёс, еврейёс, азербайджанъёс, узбекъёс, мордваос, немецъёс, молдаванъёс, казахъёс, таджикъёс, полякъёс.

Вань та калыкъёсты огазеян но соослэсь пӧртэмлыксэс утён понна Ижкарын 2008-тӥ арын Калыкъёслэн эшъяськон юртсы усьтэмын вал.

Поделиться страницей
03.06.2013
Информационно-аналитическоe управление Администрации города Ижевска © 1998-2019г.
При любом использовании материалов сайта ссылка (в Интернете - гиперссылка) обязательна